Yoko Tsang
  • 香港資深美容、時裝版編輯,精研最新醫學美容科技,通曉微整形奥妙與肌齡逆轉知識,沉迷鑽研喪食唔肥瘦身妙法,現為美容專欄寫作人、博客及節目主持人,著作《美肌瘦身秘笈》1及2、《醫學美容儀器天書》、《尋美 變靚述》。
    任何美容、扮靚、瘦身、飲食、時裝問題,請盡量在這網誌留言,因郵箱收件太多,或會錯過你的問題。【電郵:yokotsang@gmail.com】
    (Facebook:香港美容專欄作家 Yoko Tsang)、(微博:http://t.sina.com.cn/yokot)
字型:A | A | A

最強清熱毒— 百花蛇舌草 + 半枝蓮涼茶

我好鍾意食串燒,牛舌、雞掌肉、海鮮係我百食不厭之選,燒得香口+調味料孜然辣椒粉等,yummy yummy但深知熱氣迫人!

媽咪知我「為食」唔會阻止我味覺享受,惟有時時刻刻製愛心涼茶俾我解毒。
本地熱門夏季清熱涼茶是:菊花水、五花茶和百花蛇舌草菊花水有清熱明目的功效,五花茶則主要為清熱氣,而百花蛇舌草的效用是三者中最強的,可以清實火,身體虛弱者不宜多喝。實火是指一般人的燥熱和熱氣,許多時會觸發在臉上長暗瘡。

昨天媽咪的款式,正是至強的—-百花蛇草+半枝蓮涼茶務求快速解我體內熱毒、還有治療爸爸喉嚨乾又痕(發炎先兆)
單單的百花蛇草在涼茶店都可以飲到,超市亦有支裝出售,然而,我係唔會飲以上兩處地方的涼茶,因為總覺得唔夠真材實料、
太甜一定是落咗好多糖(唔健康又肥)、更可能添加了防腐劑……. 無時間煲我寕願飲水。
呢兩款組合好處是雙劍合壁:
百花蛇臨床應用療效明顯,功效是清熱解毒,利尿除濕、消痛散結,尤善治療各種類型炎症,主治肺熱喘咳、扁桃體炎、咽喉炎等。
配合半枝蓮同樣具清熱解毒之療效,且能活血祛瘀、消腫止痛,民間流傳此藥用植物對於腫瘤細胞有一定的抑制作用。
材料及份量:
可用曬乾的----百花蛇(較多)半枝蓮(少量約共$30藥材舖有售
生藥材外貌:百花蛇草呈乾燥全草,扭纏成團狀,灰綠色至灰棕色;半枝蓮如其名只得一半有花朵。
或也可用新鮮的半邊蓮(圖左)和白花蛇舌草(圖右),在大間的菜檔可找到。
煲法:以約3公升水加入以上材料,加兩片片糖 (我不愛太甜,所以只下少量),大火煲滾之後收細火,煲足兩個半小時便可。
除熱飲外,放涼後可冷藏飲用,即成男士們健康解渴飲料(但根據中醫學的角度,此舉有可能傷及脾臟運化功能)
性味歸經:味甘淡、微苦、性涼() 無毒。
用藥忌宜:孕婦忌服、易暈體虛忌服。此外,作為有藥用價值的食療,要懂得「對症下藥,見好就收」,不宜長期服用。

夏季天氣炎熱,人體本身亦有熱量,兩者相加就會令心火更盛,如調理不善,有可能受熱毒所困不適,如生病、中暑、皮膚敏感爆瘡等,適當的服用天然療法涼茶可作預防啊!
——————————————————————————————————————–

本週《MORE》專欄精采內容:
品牌的潔膚液被業界點名為致敏元兇….. 欲知親身試用推介,敬請留意今期《MORE》雜誌內我的專欄。
Related Posts with Thumbnails

3 COMMENTS

  1. HI YOKO~
    我阿媽咁啱上星期都煲左,其實都幾好飲.
    另外我想問你一些意見.
    我係混合性skin,鼻的毛孔比較大,成日有黑頭’
    一清完黑頭,4,5日又會有返.
    但我發現我呢排好似外油內干咁,
    係T字位有D油,但5算多.
    之前做過SKIN TEST,我油脂度好低.
    其實我應5應該用控油精華,定係用一D要修復返毛孔GE野?因為成日清黑頭,好怕毛孔鬆弛><
    THANK YOU VERY MUCH!

  2. Hi Cherry,
    Good…..大家都有媽咪愛心涼茶!!
    毛孔較大、多黑頭、外油內乾—-建議要做好皮膚的水油平衡,爽膚後,先塗收細毛孔serum ,待吸收後再on top搽oil free 水分精華,這樣配合定期清黑頭才有效啊!
    thanks

  3. hi yoko
    市面上有好多收細毛孔精華,我都5知信邊個好a?
    你有無一d係特別推介的?
    thank you very much!