Yoko Tsang
  • 香港資深美容、時裝版編輯,精研最新醫學美容科技,通曉微整形奥妙與肌齡逆轉知識,沉迷鑽研喪食唔肥瘦身妙法,現為美容專欄寫作人、博客及節目主持人,著作《美肌瘦身秘笈》1及2、《醫學美容儀器天書》、《尋美 變靚述》。
    任何美容、扮靚、瘦身、飲食、時裝問題,請盡量在這網誌留言,因郵箱收件太多,或會錯過你的問題。【電郵:yokotsang@gmail.com】
    (Facebook:香港美容專欄作家 Yoko Tsang)、(微博:http://t.sina.com.cn/yokot)
字型:A | A | A

妙絕卸妝產品×步驟

我喜歡化妝,一個認真的妝容會用上超過15件妝品,化足一個小時;故此,卸妝步驟必須非常講究,方可維持素顏時的皮膚質素。

-
但,原來身邊大部分女性朋友卻輕視卸妝,她們格言是:「最緊要快!」
是是旦旦,結果害了皮膚,毛孔閉塞、粉刺暗粒、暗啞泛黃……與其諗辦法救忘,倒不如在卸妝上花點功夫,就是愛錫肌膚最重要一環。
-
究竟咩卸妝產品得我歡心?
說真的,什麼品牌不是大前提,至重要是集齊不同質地備用,包括水溝油、純水、油狀、奶狀,以對應不同皮膚部位及妝品。
-
我的必備卸妝產品如下:
眼部專用卸妝液(Solone)
定必是水溝油狀,方能夠輕易溶掉防水睫毛液及防水眼線,最緊要成分溫和,我至怕會「嗱」眼的產品。
粉紅樽身呢支叫Solone,在台灣熱賣的卸眼妝液,是我平靚正心水推介;以往買開的LancomeClinique 大牌子卸眼專用液,約二百元,好快用晒,因為我每次倒好多在妝卸棉上覆蓋眼睛,所以產品每每命不久矣!
呢支Solone eyes & lips makeup remover只係$38,有成100ml 容量,卸防水眼妝效果超掂又快,按10秒可溶掉睫毛液8成,接蓍用棉棒輕抹便完全潔淨,而且絕不刺激眼睛,是我誠意推介大家一試的秘物!【銅鑼灣景隆街6號渣菲大廈2
-
面部淡妝專用(La Prairie)
若然只是塗上防曬或BB cream外出,我會選擇用卸妝水潔淨皮膚。
以往提過喜歡的有Uriage,因含有礦物泉水健膚成分;Bioderma也好,愛美白那款,價錢又夠抵用;
但摯愛還是La Prairie,呢個牌子梗矜貴,但Cellular cleansing water可算是系列中抵用入門之選,是我心目中的卸妝精華液,除高潔淨效能外,仲加入皮膚至須要的活細胞成分,重點抗衰老,令膚質更健康嫩滑有彈性。質感是清爽的,抹後給予皮膚足夠保濕,絕不繃緊。
我幾年前開始用佢,睇住由唔使$600,現加至$640150ml,都仍然好值得追捧啊
-
面部濃妝專用(Bobbi Brown)
當工作需要化濃妝,又濕粉又粉條又遮瑕雕琢上面,我回家一定為塊面大掃除,想徹底潔淨梗要靠油狀卸妝液。
然而,我不會如坊間指引模式般「乾手乾面用卸妝油打圈,再加水乳化」,怕將污垢妝品推入毛孔,有咩辦法?我會先用棉花沾卸妝水輕抹全面一次,才用油徹底去掉妝容。
眾多品牌中常用是Shu Uemura ,近來是Bobbi Brown,喜愛礦物油是極輕薄質感,不會太膩,加少少水乳化效果很豐盈,而且添加很多植物護膚成分,同時舒敏,減低按面時刺激。
Bobbi Brown紓緩卸妝潔面油$320200ml
-
雙重潔浄專用(Phytoceane)
奶狀潔膚品性質溫和,按摩時柔滑不刺激皮膚,是乾性肌潔淨不二之選,也是用以卸妝的好幫手。
我是混合性肌膚,故此通常在冬天至會用cleansing milk;但在化濃妝時亦有須要配合,因為使用䣃妝水+卸妝油後,第三層潔浄產品mild一點便可,否則過分損害皮脂膜,會適得其反令皮膚乾燥易敏。
我極喜歡 Phytoceane Cleansing Milk海洋溫和潔面乳,有效潔淨皮膚毛孔內污垢油脂及化妝物,溫和不刺激肌膚,至緊要係用後不立,保濕滋潤感恰到好處。
Phytoceane在法國當地具相當知名度,已20年歴史,用上純天然海洋成分叉珊藻、榛子油及礦物泉水,零酒精成分性質溫和,就連敏感脆弱皮膚都可放心使用啊!呢款潔面乳具多用途妙法,除作日常潔淨皮膚及卸妝外,還可作為1分鐘滋潤按摩乳(隨後以水沖洗),就連眼唇嬌嫩皮膚都合用呀!
Phytoceane 海洋溫和潔面乳$345200mlPhytoceane 銅鑼灣廣場12203A店】(好消息:在2013年1月31日前購買,有七折!)

同場加映!
試過好多款牌子化妝棉,以價錢及質素而論,呢盒「LEED麗的化妝棉」係我最喜歡的!
每次用一片抹爽膚水太浪費,我會撕開一半,勝在唔使用剪刀,用手指都撕到;如果用以卸妝就要用兩片喇!
覺得佢優勝在厚薄適中,唔會吸走我嘅爽膚水,至緊要無甩毛毛,又夠柔軟,的確好好用啊!
$16/180片,有時撞啱promotion $24.9有兩盒仲抵,haha…..即刻上倉!

——————————————————————————————

本週《MORE》專欄精采內容:
天灸療法 先腐而後生的肌膚療法
中西醫道,殊途同歸,我在這兩個星期,便經歷了一次使肌膚「先腐而後生」的「天灸療法」,目的是……詳情請留意今期《MORE》雜誌內我的專欄。

Related Posts with Thumbnails

2 COMMENTS

  1. La Prairie Cellular cleansing water 當中幾乎所有植物提取物成份有可刺激皮膚…我個人認為不好…

  2. Yoko,
    一路都有睇你嘅BLOG,有好多問題好想請教你呀,整理如下,唔想再拖落去啦,就來末日啦,haha!
    1) 你之前寫過一篇素顏零瑕疵秘技,關于Sothys Lightening Touch-up Powder,請問洗面時需唔需要用落妝產品落妝架?定系只需用普通潔面乳清潔?除咗北角果度,仲有邊度可以買啊?或者有冇比呢款更加好用的類似產品啊?
    2) 你之前寫過一篇關于好友M毛囊炎,佢睇果個醫生即係你嘅御用皮膚科醫生嘅資料唔乖可唔可以E-mail我啊
    3) 混合偏油皮膚,T字位出油多,26岁,潔面我用你推薦過嘅Estee Lauder紅石榴果支,求推薦好用嘅其它護膚產品:眼霜,爽膚水,面霜,精華…….
    4) 請問用BB Cream是否對皮膚唔好?用粉底液會唔會對皮膚好D?或者類似Shu uemura泡沫粉底果D。我用緊MISSHA果支,面霜後即搽BB Cream,其實中間使唔使用其它打底啊,比如MISSHA嘅B.B BOOMER.我發覺用咗BB Cream之後毛孔變大,皮膚差咗……..
    5) 最後就係你上面提到嘅Solone眼部專用卸妝液,是否仲好用過Vichy果支啊?
    WOW,唔覺寫咗咁多,驚你睇到暈啊。Dearest Yoko,盼覆,辛苦曬!!!